سؤال عن نسب من انساب العوامر

[محمد خالد]

السلام عليكم ورحمه الله وبركاته ..

من قبل الاتحاد ف دولتنا الامارات

ونحن اسامينا باسم عامري بدون الف و لام ويقول الوالد بغيت اشل لقب عامري لان اصولنا من ايران وبالتحديد من منطقه اسمها سياهو وهي كل سكانها اخر اساميهم عامري ..

ف شاور الوالد اخواني واتفقو انه يشلون اسم عامري من اسامينا لانه يقول اذا هذا مش نسبنا ماينفع ناخذه لان الرسول نهى عن هذا الامر لكن طلب مني اسأل الناس الفاهمين اللي يعرفون او سمعو قصه . لانه اخوي يشتغل في مستشفى من مستشفيات الدوله مر عليه مريض اسمه علي محمد عامري سياهو ف استغرب وايد وسأل الوالد واستغرب بعد
ونحن اصولنا سنه ولله الحمد لكن بغيت اسأل هل لنا صله لاني اعتز بهذي القبيله ولي الفخر اني اكون منها لكن بغيت اسأل هل لنا نسب منهم او لا عسبت اذا شي نرد الاسم واتمنى محد يتحسس من الموضوع لان والله والله شاهد علينا انه ماخذينا الاسم بالرشاوي ولا الواسطه وشليناه عسبت نتأكد وشكرا لكم

[عبدالكريم العامري]

السلام عليكم ورحمة الله وبركاته
حياك الله اخوي محمد
حسب معلوماتي يوجد عرب في ايران نتيجة هجرات قديمة للقبائل العربية والشريط الساحلي لايران ذو اغلبيه عربية والاحواز جميعهم عرب ومنهم الشيخ خزعل الكعبي اخر امراء الاحواز قبل الاحتلال الفارسي للاحواز والمدن العربية عام 1925 ميلادي..
ان شاء الله الاخوان يفيدونك اكثر

[محمد خالد]

تسلم اخوي عبدالكريم العامري لكن ابي راي الاخوان لان نبي راي الاخوان
اذا نرد القبيلة لاننا متحيرين قليلا من موضوع اخذ النسب ومانبي هذا الشي يصير

[سليط]

اخوي أقولك حمل نسب قبيلة العوامر شرف فلا تفرط في نسبك ولا تقلب في الماضي