لهذه الشاعرة ذوق خاص بها .. لون خاص بها .. حس خاص بها ..
شجون الظبيانية .. تعانق أنهآر مرة أخرى بنص إماراتي يفتخر بها .. جدا ..
ألا يا صاحبي فاليوف حرّه .. ويوفك من لضى لشواق بارد
أدق الخط لك عشرين مرّه .. من الصادر ولا بينّت وارد
أنا ما يحتمل قلبي تفرّه .. على دربٍ به الأخطار تارد
وشوقي لو يزيد اليوم ذرّه .. تفجر خاطري والبال شارد
مع طيفك أنا فكري تجرّه .. على نبعك وغيري منه يارد
كذا حبك إلى الأعماق جرّه .. وسلمته غصب بيدين مارد
زمانٍ مر ما بيّن مقرّه .. محب لك عن الباقين طارد
وإنته منزلك بآخر مجرّه .. على بسط الهنا وأعذب موارد
إذا إنته حياتك مستقرّه .. أنا حلم اللقا أمسي أطارد
سهم حبك دخل قلبي وضرّه .. وخلاني دليه الفكر شارد
أعرف الطير لي هاجر مقرّه .. أخذ خلفه البلابل والصفارد
يا ليت إيدك في إيدك في مسرّه .. نعيش ولو سكنا في عطارد
عامري أماراتي 
لضى الأشواق للشاعرة الأماراتية / شجون الظبيانية
العرض العادي
